Idinaos ngayong araw sa Beijing ang pulong ng pagpaparangal para sa Beijing Olympic torch relay sa Mt.Qomolangma.

Ginawaran sa pulong ng medalyang pandangal ang 22 mamumundok na kinabibilangan ng 5 torchbearer.

Sinabi sa pulong ni Liu Peng, puno ng Pangkalahatang Administrasyon ng Palakasan ng Tsina, na ang torch relay sa Mt.Qomolangma ay lumikha ng isang himala sa pandaigdigang kasaysayang pampalakasan at nagpatingkad ng ideyang "kapayapaan, pagkakaibigan at kaunlaran" at diwang "mas mabilis, mas mataas at mas malakas" ng Olimpiyada. Ito rin ay isang malaking regalo para sa Beijing Olympic Games.

Salin: Andrea