Sa kaniyang paglalakbay-suri kahapon sa konstruksyon ng pasilidad ng Beijing Olympics at Olympic Village, ipinahayag ni He Guoqiang, pirmihang kagawad ng Pulitburo ng Komite Sentral ng Partido Komunista ng Tsina (CPC), na dapat mataimtim na isagawa ng departamentong tagapagsuperbisa sa Olimpiyada sa iba't ibang antas ang kanilang tungkulin para maigarantiya ang pagsasakatuparan ng target ng "pagdaraos ng matipid at malinis na Olimpiyada".

Sinabi ni He na kasunod ng paglapit ng Olimpiyada, dapat patuloy na palakasin ang pagsusuperbisa at pagsusuri sa kalidad ng konstruksyon ng mga pasilidad ng Olimpiyada at sa kalagayan ng paggamit ng pondo ng Olimpiyada para maigarantiya ang legalidad, kaligtasan at mataas na episiyensiya ng paggamit ng mga pondo sa konstruksyon ng pasilidad at pagtatakbo ng Olimpiyada.

Salin: Li Feng