Sa kanyang paglalakbay-suri kahapon sa Qinhuangdao, isa sa mga co-host city ng Beijing Olympic Games, biniyang-diin ni pangalawang pangulong Xi Jinping ng Tsina na dapat ipauna ng mga co-host city ang kaligtasan at serbisyo sa iba't ibang gawaing paghahanda.

Binigyan ni Xi ng positibong pagtasa ang kasalukuyang gawaing paghahanda ng Qinhuangdao para sa Olimpiyada.

Hiniling din niya sa Qinhuangdao na patuloy na pabutihin ang sistema ng pangangasiwa at pagsasaoperasyon sa panahon ng Olimpiyada para maigarantiya ang agaran at mabisang paglutas ng mga posibleng lilitaw na problema at likhain ang mabuting atmospera para maidaos ang mga paligsahang ikakasiya ng komunidad ng daigdig, mga manlalaro ng iba't ibang bansa at mga mamamayan.

Salin: Liu Kai