Nakipagtagpo ngayong araw sa Beijing si Wang Jiarui, Ministro ng International Department ng Komite Sentral ng Partido Komunista ng Tsina (CPC), kay Dinh The Huynh, kagawad ng Komite Sentral ng Partido Komunista ng Biyetnam at editor-in-chief ng Nhan Dan daily nito.

Positibong pinapurihan ng dalawang panig ang relasyon ng dalawang partido at bansa. Ipinahayag ni Wang na nakahanda ang kaniyang partido na ibayo pang palakasin ang mapagkaibigang pagpapalitan at pagtutulungan ng dalawang partido sa iba't ibang larangan na kinabibilangan ng mga media ng dalawang panig at magsikap para mapaunlad ang komprehensibong estratehikong partnership ng dalawang bansa.

Ipinahayag naman ni Dinh na taos-pusong umaasa ang kaniyang bansa na magiging ganap na tagumpay ang Beijing Olympic Games.

Salin: Ernest