|
Nagpalabas ng reporta kahapon ang Brain Reserve ng Thailand-Thai Farmers Research Center na nagsasabing sa pamamagitan ng pagdaraos ng Beijing 2008 Olympic Games, magpapatingkad ang Tsina ng mas malaking papel sa arenang pandaigdig, samantala, positibo ito sa pangmalayuang pag-unlad ng kabuhayang Tsino.
Anang ulat, ang iba't ibang proyektong inilaan at itinatag ng Tsina para sa pagdaraos ng Olympic Games ay makakabuti sa pangmalayuang paglaki ng kabuhayang Tsino. Makakatulong ang Olympic Games sa Tsina na isaayos at balansihin ang estrukturang pangkabuhayan ng Tsina at mapahupa ang negatibong epektong dulot ng iba't ibang krisis sa kabuhayan.
Ipinalalagay pa ng reporta na makikinabang ang Thailand sa matatag at mabilis na paglaki ng kabuhayang Tsino, dahil ang Tsina ay ika-3 pinakamalaking pamilihan ng pagluluwas ng Thailand na kasunod ng E.U. at Hapon.
Salin: Sissi
|
