|
Buong pagkakaisang pinapurihan ng medya ng iba't ibang bansa ang seremonya ng pagbubukas ng Beijing Olympics. Anila, komprehensibo itong nagpakita ng tradisyonal na kulturang Tsino.
Pawang ipinalalagay ng mga pangunahing istasyon radyo at telebisyon ng Indya, Netherland, Czech, Bulgaria, Brazil, Serbia at iba pang bansa na kahanga-hanga ang seremonyang ito at nagpakita ito ng maluningning na kulturang Tsino at umuunlad na puwersang pangkabuhayan at pampulitika ng Tsina.
Nagpalabas ng komentaryo ang pahayagang International Daily News ng Indonesya na nagsasabing nagpakita ang seremonya ng bagong imahe ng Tsina.
Nagpalabas naman ng editoryal ang pahayagang Lianhe Zaobao ng Singapore na nagbibigay ng lubos na papuri sa seremonya at nagsasabing ang kagandahan nito ay lumampas sa inaasahan ng mga tao.
Salin: Liu Kai
|
