Napag-alaman ng mga mamamahayag mula sa may kinalamang departamento ng Beijing na hanggang sa kasalukuyan, nagseserbisyo sa Beijing Olympic Games ang 74615 boluntaryo mula sa 98 bansa at rehiyon.

Kabilang dito, 73195 ay mula sa mainland ng Tsina, 299 ay mula sa Hong Kong, 95 ay mula sa Macao, 91 ay mula sa Chinese Taipei at 935 ay mula sa mga bansang dayuhan.

Nagtatrabaho ang mga boluntaryo sa mga pasilidad ng paligsahan at iba pang puwesto para magserbisyo sa mga manonood, safety check, mga wika, pagtatanghal ng paligsahan, paggawad ng gantimpala at iba pa.

Salin: Andrea