Ipinahayag kahapon sa Qingdao, co-host city ng Beijing Paralympic Games, ni Philip Craven, pangulo ng International Paralympic Committee, na ang Beijing Paralympics ay isang kahanga-hangang palaro at lumitaw ang maraming dakilang manlalaro sa Paralimpikong ito.
Sa kanyang pananatili sa Qingdao, nanood si Craven ng paligsahan ng Paralimpiko at bumisita rin sa Paralympic Village. Sinabi niyang primera klase ang pasilidad at pag-oorganisa ng Qingdao at nananalig siyang mag-iiwan ang Qingdao, pati ang Tsina ng magandang impresyon sa lahat ng mga manlalaro.
Salin: Liu Kai
|