|
Nagkober ang mga medyang dayuhan sa matagumpay na paglulunsad ng Tsina ng Shenzhou VII manned spacecraft at ipinalalagay nilang ito ay bagong breakthrough ng usaping pangkalawakan ng Tsina.
Isinagawa ng BBC, CNN, iTele at iba pang TV station ang live broadcast sa paglulunsad ng Shenzhou VII. Anang ulat ng iTele, ang paglulunsad ng Shenzhou VII ay isang makasaysayang sandali at ito ay isa pang mahalagang hakbang ng Tsina sa larangang pangkalawakan.
Ayon pa rin sa Ahensiya sa Pagbabalita ng Poland, ang paglulunsad ng Shenzhou VII ay isa pang tagumpay ng Tsina pagkaraan ng Beijing Olympic Games.
Salin: Wujing
|
