Nagkober ang mga medyang dayuhan sa matagumpay na paglulunsad ng Tsina ng Shenzhou VII manned spacecraft at ipinalalagay nilang ito ay bagong breakthrough ng usaping pangkalawakan ng Tsina.

Isinagawa ng BBC, CNN, iTele at iba pang TV station ang live broadcast sa paglulunsad ng Shenzhou VII. Komprehensibo ring nagkober dito ang Associated Press, Reuters, Agence France-Presse at iba pang ahensiya sa pagbabalita.

Nagpalabas naman ng ulat ang pahayagang Lianhe Zaobao ng Singapore na nagsasabing ang paglulunsad ng Shenzhou VII ay nagtayo ng isa pang mahalagang muhon sa kasaysayang pangkalawakan ng Tsina.

Salin: Ernest