|
Ipinahayag ngayong araw sa Nanning ni Chen Deming, ministro ng komersyo ng Tsina, na dapat palakasin ng Tsina at ASEAN ang kooperasyon para magkasamang harapin ang krisis na pinansiyal.
Sa kanyang paglahok sa seremonya ng pagbubukas ng ika-5 China-ASEAN Expo, sinabi ni Chen na ang pagpapalakas ng panrehiyong kooperasyong pangkabuhaya't pangkalakalan at pagpapasasakatuparan ng kaunlaran at kasaganang may mutuwal na kapakinabangan ay komong hangarin ng Tsina at ASEAN. Sa kasalukuyang masalimuot na kalagayang pangkabuhayan ng daigdig at pagkalat ng krisis na pinansiyal sa buong daigdig, kinakaharap ng kaunlarang pangkabuhayan ng Tsina at ASEAN ang walang katulad na presyur at hamon. Sa panahong ito, dapat mahigpit na magtulungan ang dalawang panig para itatag ang may-harmonyang Asya.
Salin: Sissi
|
