Binuksan kaninang hapon sa Beijing ang taunang sesyon ng ika-11 Pulitikal na Konsultatibong Kapulungan ng mga Mamamayang Tsino, CPPCC. Dumalo ang mga lider ng Tsina na gaya nina Hu Jintao, Wu Bangguo, Wen Jiabao at iba pa.

Ito ay ika-2 sesyon ng ika-11 CPPCC. Sa 9-araw na sesyon, ang pangunahing agenda ngayong araw ay pakinggan ng mahigit 2100 kagawad ng CPPCC ang ulat ni Jia Qinglin, tagapangulo ng CPPCC, hinggil sa gawain ng pirmihang lupon ng CPPCC.

Sa kanyang ulat, pinapurihan ni Jia ang mga bunga ng mga gawain ng ika-10 CPPCC noong isang taon. Tinukoy din niyang, dapat magsikap ang CPPCC para sa kapakanan ng mga mamamayan.

Ang CPPCC ay isang mahalagang bahagi ng sistema ng multi-partidong kooperasyon at konsultasyon pulitikal ng Tsina. Ang pangunahing papel nito ay paglahok sa administrasyon, talakayan hinggil sa usaping panloob sa pulitika, kabuhayan, lipunan at iba pang larangan at paghaharap ng mga mungkahi.

salin:wle