|
Ipinahayag kahapon sa Beijing ni Zhou Hanmin, pangalawang direktor ng lupong tagapagpaganap ng Shanghai World Expo, na ayon sa pagtaya, aabot sa 70 milyong person time ang bilang ng mga bisita sa ekspong ito.
Tinaya rin ni Zhou na sa naturang mga bisita, 5% hanggang 10% ang mula sa labas ng Tsina.
Ayon pa rin kay Zhou, sisimulang ibenta sa ika-27 ng buwang ito ang group ticket ng naturang ekspo at ang pagbebenta ng individual tickets ay sisimulan sa darating na Hulyo. 160 yuan RMB o mga 23 Dolyares ang presyo ng tiket.
Salin: Liu Kai
|
