Sa kanyang pagdalo ngayong araw sa Sanya sa dakong timog ng Tsina sa seremonya ng pagbubukas ng simposiyum ng mga lider ng trade union ng Tsina at ASEAN, tinukoy ni Wang Zhaoguo, tagapangulo ng All China Federation of Trade Unions, na sa ilalim ng kasalukuyang kalagayan ng pandaigdig na krisis na pinansiyal, dapat ibayo pang palakasin ng dalawang panig ang diyalogo at pagpapalitan, isagawa ang aktuwal na kooperasyon para mas mabisang harapin ang komong hamon.

Sinabi ni Wang na sa harap ng krisis na ito, dapat nila buong sikap na pasiglahin ang aktibong paglahok ng mga manggagawa sa pag-unlad ng pambansang kabuhayan, pagpapasulong ng bahay-kalakal, dapat pangalagaan ang karapatan at kapakanan ng mga manggagawa, pabutihin ang kondisyon ng trabaho at kalidad ng pamumuhay ng mga manggagawa at buong sikap na isakatuparan ang win-win ng empleyado at pinaglilingkuran para pasulungin ang harmonyang panlipunan.

Salin: Ernest