|
Iniabuloy ngayong araw ng Krus na Pula ng Biyetnam ang 200 libong Dolyares sa nilindol na purok ng Lalawigang Sichuan ng Tsina bilang tulong sa rekonstruksyon.
Ang pondong ito ay ipinaabot sa Embahadang Tsino sa Biyetnam. Sa seremonya ng pagpapaabot, sinabi ni Tran Ngoc Tang, tagapangulo ng Krus na Pula ng Biyetnam, na aktibo ang iba't ibang sirkulo ng lipunan ng kanyang bansa sa pag-aabuloy sa nilindol na purok ng Tsina.
Ipinahayag ni Zhai Leiming, charge'd affairs ng Embahadang Tsino sa Biyetnam, ang pasasalamat sa panig Biyetnames.
Salin: Liu Kai
|
