Ayon sa estadistika ngayong araw, umabot sa 235 ang bilang ng mga namatay sa malakas na lindol na naganap kamakalawa sa gitnang Italya.
Sa mahigit 2000 nasugatan, mga 500 ang binibigyang-lunas sa ospital na kinabibilangan ng 100 na grabe ang kalagayan.
Sa kasalukuyan, halos 7000 tao ang nagsasagawa ng gawaing panaklolo sa nilindol na purok. Nauna rito, ipinahayag ni punong ministro Silvio Berlusconi ng Italya na tatagal pa nang 48 oras ang gawaing panaklolo at magpapadala pa ang pamahalaan ng 1500 tauhang teknikal sa mga apektadong lugar para suriin ang kalagayan ng mga arkitektura.
Ayon pa rin sa ulat, naganap kahapon sa nilindol na purok ang isang aftershock na may lakas sa 5.5 hanggang 5.7 sa richter scale.
Salin: Liu Kai
|