Sa isang regular na preskon ngayong araw, ipinahayag ni Tagapagsalita Hua Chunying ng Ministring Panlabas ng Tsina na ang Estados Unidos ay hindi may-kinalamang bansa sa isyu ng South China Sea (SCS). Dapat aniyang magtimpi ang Amerika sa pananalita at aksyon nito sa isyung ito sa halip ng paglilikha ng kaguluhan.
Ipinahayag kamakailan ni Daniel Russel, Asistanteng Kalihim ng Estado ng Estados Unidos, na ang aksyon ng Tsina sa SCS ay humahamon sa prinsipyo ng pantay na paglutas sa hidwaan at kalayaan ng paglalayag. Kailangan aniyang ipagtanggol ng Hukbong Pandagat ng Amerika ang naturang prinsipyo.
Kaugnay nito, sinabi ni Hua na nitong mahabang panahong nakalipas, walang anumang problema ang iba't-ibang bansa sa pagkakaroon ng kalayaan ng paglalayag at paglilipad sa SCS alinsunod sa pandaigdigang batas. Aniya, sa mula't mula pa'y pinahahalagahan at pinangangalaan ng Tsina ang kalayaan at seguridad ng paglalayag at paglilipad sa SCS. Ngunit, ang kalayaan ng paglalayag at paglilipad ay hindi nangangahulugang puwedeng labagin ng mga dayuhang bapor at eroplanong militar ang pandaigdigang batas.
Salin: Li Feng