Ginanap sa Beijing nitong Huwebes, Disyembre 3, 2020 ang pulong ng Tsinghua University School of Economics and Management (SEM) Advisory Board sa taong 2020.
Sa pamamagitan ng video link, nagtalumpati sa pulong si Pangulong Xi Jinping ng Tsina, bilang pagbati sa ika-20 anibersaryo ng pagkakatatag ng naturang advisory board.
Tinukoy ni Xi na kumakalat pa rin sa buong mundo ang pandemiya ng Coronavirus Disease 2019 (COVID-19), bagay na nagbunsod ng malubhang epekto sa kabuhayang pandaigdig.
Dapat palakasin aniya ng iba’t ibang bansa ang pagkakaisa at pagtutulungan, igiit ang multilateralismo, at magkasamang harapin ang mga hamon.
Saad niya, binubuo ng Tsina ang “dual circulation” economic paradigm kung saan ang mahalagang elemento ay domestikong sirkulasyon, at maaaring pasulungin ng isa’t isa ang sirkulasyong domestiko at internasyonal. Buong tatag na palalawakin ng Tsina ang pagbubukas sa labas, mas aktibong makiki-isa sa pamilihang pandaigdig, ibabahagi sa iba’t ibang bansa ang pagkakataong pangkaunlaran, at gagawin ang ambag para sa pagbangon ng kabuhayang pandaigdig.
Para rito, nakahanda ang Tsina na patuloy na palakasin ang pagpapalitan at pagtutulungang pandaigdig, sa larangan ng edukasyon at siyensiya’t teknolohiya, dagdag ni Xi.
Salin: Vera
Xi Jinping, bumati sa pulong ng UN sa International Day of Solidarity with the Palestinian People
Xi Jinping, bumati sa tagumpay ng ocean expedition ng deep-sea manned submersible ng Tsina
Talumpati ni Xi Jinping sa seremonya ng pagbubukas ng Ika-17 CAEXPO, mahalaga
Xi Jinping: Tsina at ASEAN, itatag ang mas mahigpit na komunidad ng pinagbabahaginang kinabukasan
Xi Jinping, nagtalumpati sa seremonya ng pagbubukas ng Ika-17 CAEXPO at CABIS