Pagsapi ng Congo-Kinshasa sa BRI, malaking katuturan sa kooperasyong Sino-Aprikano

Ang Congo-Kinshasa ay ang ikalawang hinto ng isinasagawang pagbisita ni Wang Yi, Kasangguni ng Estado at Ministrong Panlabas ng Tsina, sa 5 bansa sa Aprika.
 

Sa kanyang pananatili sa Congo-Kinshasa, nilagdaan ang Memorandum of Understanding (MoU) hinggil sa magkasamang konstruksyon ng “Belt and Road.”
 

Dahil dito, ang bansang ito siyang naging ika-45 bansang Aprikano na sumapi sa inisyatiba ng “Belt and Road.”
 

Kaugnay nito, ipinahayag ni Zhu Jing, Embahador ng Tsina sa Congo-Kinshasa, na bilang designadong bansang tagapangulo ng Unyong Aprikano, ang pagsapi ng Congo-Kinshasa sa nasabing inisyatiba ay may mahalaga at positibong katuturan para sa kooperasyong Sino-Aprikano.

 

Salin: Lito

Pulido: Rhio