Ayon sa datos na isinapubliko nitong Linggo, Hulyo 25, 2021 ng Ministri ng Kalusugan ng Malaysia, hanggang alas-12 ng tanghali sa araw na ito, 1,013,438 ang kabuuang bilang ng naitalang kumpirmadong kaso ng Corona Virus Disease 2019 (COVID-19) sa bansa.
Samantala, 7,994 naman ang kabuuang bilang ng binawian ng buhay.
Ayon pa sa datos ng nasabing ministri, hanggang noong Hulyo 24, mahigit 11.5 milyong mamamayang Malay ang naturukan na ng unang dosis ng bakuna, na katumbas ng 35.2% ng kabuuang populasyon.
Kabilang dito, mahigit 5.39 milyong katao naman ang nainiksyunan ng dalawang dosis ng bakuna, na katumbas ng 16.5% ng kabuuang populasyon ng bansa.
Salin: Lito
Pulido: Rhio