Sinovac COVID-19 vaccine rollout sa Malaysia, sinimulan

Sinimulan nitong Huwebes, Marso 18, 2021 ang COVID-19 vaccine rollout ng Malaysia, gamit ang mga bakunang idinebelop ng Sinovac Biotech Company Limited ng Tsina.

Si Khairy Jamaluddin, Ministro ng Siyensiya, Teknolohiya at Inobasyon ng Malaysia ang unang nagpaturok ng bakuna kontra COVID-19 sa bansa.

Pagkatapos ng pagbabakuna, sinabi niyang ang mga bakuna ng Sinovac ay nakakuha ng awtorisasyon ng paggamit at malawakang itinurok sa maraming bansa, at napatunayan na ang kaligtasan at bisa ng bakunang ito, kaya maaaring magpaturok nang may kapanatagang-loob ang mga mamamayang Malaysian ng bakuna ng Sinovac.
 

Salin: Vera
 

Pulido: Mac