Unang express freight train sa pagitan ng Tsina at Biyetnam, lumisan ng istasyon sa Pingxiang

Nilisan Huwebes, Setyembre 30, 2021 ng unang express freight train sa pagitan ng Tsina at Biyetnam ang istasyon nito sa Pingxiang, Rehiyong Awtonomo ng Guangxi ng Tsina.

Ipinakikita nito ang bagong kinabukasan ng transnasyonal na lohistika sa bagong western land-sea corridor ng bansa.

Hinggil dito, ibinibigay ng adwana ng Pingxiang ang fast pass sa mga freight train sa pagitan ng Tsina at Biyetnam, para mapataas ang episyensiya ng paghahatid ng mga inaangkat at iniluluwas na paninda sa loob ng bansa, bagay na ibayo pang makakapagpataas ng episyensiya ng takbo ng mga tren sa nasabing bagong koridor, at makakapagpahigpit ng kooperasyong pangkabuhaya’t pangkalakalan sa pagitan ng Tsina at Association of Southeast Asian Nations (ASEAN).
 

Salin: Vera
 

Pulido: Rhio