Delegasyon ng Afghan Taliban, bibiyahe sa Moscow

Ipinahayag kamakailan ni Mullah Amir Khan Muttaqi, umaaktong Ministrong Panlabas ng pansamantalang pamahalaan ng Afghanistan, na bibiyahe sa Moscow ang delegasyon ng Afghan Taliban sa malapit na hinaharap upang makipag-usap sa matataas na opisyal ng Rusya tungkol sa situwasyon ng Afghanistan.

Nauna rito, ipinatalastas ni Ministrong Panlabas Sergey Lavrov ng Rusya, na gaganapin sa Moscow Oktubre 20 ang isang pulong.

Hinihintay aniya ng kanyang bansa ang sagot mula sa mga inimbitahan na kinabibilangan ng mga kinatawan ng Afghan Taliban.

Salin: Lito
Pulido: Rhio