Xi Jinping, bumati sa Ika-60 Anibersaryo ng Kalayaan ng Algeria

Nagpadala ngayong araw, Hulyo 5, 2022 si Pangulong Xi Jinping ng Tsina ng mensaheng pambati sa kanyang counterpart na si Abdelmajid Tebboune ng Algeria bilang pagdiriwang sa Ika-60 Anibersaryo ng Kalayaan ng bansang ito.

Sa kanyang mensahe, ipinahayag ni Xi na nitong ilang taong nakalipas, lumalalim ang pagtitiwalaang pulitikal ng dalawang bansa at mabunga ang kanilang aktuwal na kooperasyon.

Sinabi ni Xi na nakahanda siyang pasulungin, kasama ni Abdelmajid Tebboune, ang pagpapalitan at pagtutulungan ng Tsina at Algeria sa ilalim ng balangkas ng Belt and Road Initiative.

Nang araw ring iyon, nagpadala rin si Premyer Li Keqiang ng Tsina ng mensaheng pambati sa kanyang counterpart na si Aimene Benabderrahmane ng Algeria.

Salin: Ernest

Pulido: Mac