Tsina, ikinalulugod ang pagdalo ng puno ng UN sa seremonya ng pagbubukas ng Beijing Winter Olympics

Ipinahayag kahapon, Enero 14, 2022, ni Tagapagsalita Wang Wenbin ng Ministring Panlabas ng Tsina, ang mainit na pagtanggap sa pagdalo ni Pangkalahatang Kalihim Antonio Guterres ng United Nations sa seremonya ng pagbubukas ng Beijing Winter Olympics.

Binigyang-diin ni Wang, na nitong nakalipas na ilang panahon, ipinahayag ng mga personahe ng mga organisasyong pandaigdig na gaya ng United Nations at International Olympic Committee at maraming bansa ang pagsuporta at pananabik sa Beijing Winter Olympics, at tinututulan nila ang pagsasapulitika ng palakasan. Ito aniya ay nagpapakita ng komong hangarin ng komunidad ng daigdig, na magsama-sama para sa pinagbabahaginang kinabukasan.

Nauna rito, sinabi ni Guterres, na ang Olimpiyada ay napakahalagang kaganapan, at sumasagisag ito ng papel ng palakasan para pagbuklurin ang mga mamamayan at itaguyod ang kapayapaan. Batay sa kontekstong ito at walang anumang pulitikal na pananaw, darating siya sa Beijing para dumalo at manood sa seremonya ng pagbubukas ng Beijing Winter Olympics, dagdag ni Guterres.

Editor: Liu Kai
Pulido: Mac Ramos