Atletang Ruso na nakakuha ng unang medalyang ginto sa Beijing Winter Olympics, pinuri ni Putin

Isang mensahe ang ipinadala Linggo, Pebrero 6, 2022 ni Pangulong Vladimir Putin ng Rusya sa atletang Ruso na si Alexander Bolshunov, bilang pagbati sa pagiging kampeon niya sa Cross-Country Skiing Men's 15km + 15km Skiathlon sa Beijing Winter Olympics.
 

Ito ang kauna-unahang medalyang ginto na napasakamay ng Rusya sa kasalukuyang Olimpiyada.
 

Ini-ulat naman ng ITAR-TASS News Agency, na sinabi ng ministro ng palakasan ng Rusya na ito ang unang medalyang ginto ng bansa sa naturang event sa Winter Olympics sapul noong 2006.
 

Salin: Vera
 

Pulido: Rhio