White paper hinggil sa progreso at pangangalaga sa karapatan ng parasports ng Tsina, inilabas

Inilabas ngayong araw, Marso 3, 2022 ng Tanggapan ng Impormasyon ng Tsina ang white paper na pinamagatang “Parasports ng Tsina: Progreso at Proteksyon sa mga Karapatan."
 

Tinukoy nitong itinuturing na mahalagang bahagi ng pagpapatupad ng mga pambansang estratehiya ng Tsina na gaya ng Fitness-for-All, Healthy China initiative, at pagtatatag ng malakas na bansa sa palakasan ang rehabilitasyon at aktibidad pangkalusugan ng mga may-kapansanan. Masiglang-masigla ang mga pambansang aktibidad na pampalakasan para sa mga may-kapansanan, umuusbong ang winter parasports, at walang humpay na bumubuti ang serbisyo ng rehabilitasyon at aktibidad pampalakasan ng mga may-kapansanan, anang ulat.
 

Diin ng dokumento, ginawa ng Tsina ang ambag para sa international parasports.

Komprehensibo itong sumasali sa mga usapin ng international parasports, walang humpay na nagpapalakas ng pakikipagpalitan at pakikipagtulungan sa mga organisasyon ng mga may-kapansanan ng ibang bansa at pandaigdigang organisasyon, at nagpapahigpit ng pagkakaibigan ng mga mamamayan ng iba’t-ibang bansa na kinabibilangan ng mga may-kapansanan.
 

Anang white paper, ang parasports ay buhay na paglalarawan sa progreso ng usapin ng karapatang pantao ng Tsina.
 

Pinapalaganap nito ang komong pagpapahalaga ng sangkatauhan; pinasusulong ang pagpapalitan, pag-uunawaan, at pagkakaibigan ng mga mamamayan ng iba’t-bang nasyon; at ni-aambag ang katalinuhan ng Tsina tungo sa pagbuo ng makatarungan, makatuwiran, lehitimo’t inklusibong kaayusan ng pangangasiwa sa karapatang-pantao ng buong mundo, at pangangalga sa kapayapaan at kaunlaran ng daigdig.
 

Salin: Vera
 

Pulido: Rhio