Lunsod Shijiazhuang, lalawigang Hebei, dinalaw ni Xi Jinping

Nag-inspeksyon Biyernes, Mayo 12, 2023 si Pangulong Xi Jinping ng Tsina sa lunsod Shijiazhuang, lalawigang Hebei, sa gawing hilaga ng bansa.

Sinuri niya ang isang instituto ng pananaliksik ng China Electronics Technology Group Corporation at isang planning exhibition hall ng parke ng industriya ng bio-medisina, kung saan inalam niya ang hinggil sa pananaliksik, pagdedebelop at produksyon ng bahay-kalakal, at ginawang pagsisikap ng lokalidad sa pagpapaunlad ng industriya ng bio-medisina.

Salin: Vera

Puldo: Rhio