Ika-6 na CIIE, binuksan: 17-kompanyang delegasyong Pilipino, kalahok

Binuksan ngayong araw, Nobyembre 5, 2023 sa National Exhibition and Convention Center (NECC), Shanghai, gawing silangan ng Tsina ang Ika-6 na China International Import Expo (CIIE).

Sa kanyang pambungad na talumpati, sinabi ni Premyer Li Qiang ng bansa, na “nais ng Tsina na sinserong makatrabaho at makasama ang lahat ng bansa sa mundo sa pag-abot ng mga mutuwal na layunin sa dakilang entablado ng pagbubukas.”

Ang CIIE ay isang platapormang pangkalakalan at pampamumuhunang nagbibigay ng malaking benepisyo sa mga kompanya ng maraming bansa, sa pamamagitan ng pagpapadali ng proseso ng pagluluwas sa merkadong Tsino.

Hatid din nito ang pangmalayuang one-stop na serbisyo sa online at offline na transaksyon; at nagpapalakas ng proteksyon sa pagmamay-ari ng likhang-isip at karapatan sa ari-arian, at nagsasanggalang sa interes ng mga negosyante.

Kaugnay nito, bubuksan bukas, Nobyembre 6, 2023 sa Hall 1.1 ng NECC ang Pabilyon ng Pilipinas, kung saan, ipo-promote ang mga produktong Pilipinong kinabibilangan ng durian, kape, pinatuyong mangga, produktong niyog, saging chip, at marami pang iba.

Ang durian, ay ang magiging sentro ng eksibisyon ng bansa.

Samantala, ipo-promote din sa mga kompanyang Tsino ang mga oportunidad pampamumuhunan ng Pilipinas sa mga sektor na gaya ng agrikultura, turismo, teknolohiya, at e-komersyo.

Labing-pitong (17) lokal na negosyante ang bumubuo sa delegasyon ng Pilipinas, at kabilang sa mga ito ay:

Reporter: Rhio Zablan at Ernest Wang