Xi Jinping, nagpadala ng mensaheng pambati sa China-Russia Energy Business Forum

Nagpadala kahapon, Hulyo 23, 2024 si Pangulong Xi Jinping ng Tsina ng mensaheng pambati sa Ika-6 na China-Russia Energy Business Forum.

Tinukoy ni Xi na sa pamamagitan ng magkasamang pagsisikap ng dalawang bansa, nagiging matatag, mahusay at malakas ang kanilang kooperasyon sa enerhiya at nakakapagbigay ito ng aktuwal na kapakanan para sa mga mamamayan ng dalawang bansa.

Aniya, kasama ng Rusya, nakahanda ang panig Tsino na patuloy na pasulungin ang kooperasyong may mutuwal na kapakinabangan sa larangan ng enerhiya, at pangalagaan ang katatagan at kaayusan ng kadena ng suplay at industriya ng enerhiya.

Sa parehong araw, nagpadala rin si Pangulong Vladimir Putin ng Rusya ng mensaheng pambati sa porum na ito.

Salin: Ernest

Polido: Ramil