Papel ng Xiamen Airlines sa pagpapalakas ng pagpapalitan ng magkabilang pampang ng Taiwan Straits, hiniling ni Xi Jinping

Sa kanyang sagot sa liham ng mga empleyado ng Xiamen Airlines kaugnay ng ika-40 anibersaryo nito, hiniling sa kanila ni Pangulong Xi Jinping ng Tsina na aktibong paglingkuran ang pag-unlad ng kabuhaya’t lipunan, at pabutihin ang pagpapalitan at pagtutulungan ng magkabilang pampang ng Taiwan Straits.

Saad ni Xi, nalulugod siya sa napakalaking pag-unlad na natamo ng Xiamen Airlines nitong nakalipas na apat na dekada.

Ipinanawagan din niya sa mga kawani na igiit ang reporma at inobasyon, palakasin ang pangunahing kakayahang kompetetibo ng kompanya, patuloy na mag-ambag tungo sa de-kalidad na pag-unlad ng abiyasyong sibil at pagtatatag ng malakas na bansa sa transportasyon.

Salin: Vera

Pulido: Rhio