Pagsang-ayon ng Pilipinas sa pagdedeploy ng mid-range missile ng Amerika, mali – MOFA

Kaugnay ng paglalagay ng mid-range missile system ng Amerika sa Pilipinas, muling sinabi, Hulyo 31, 2024 ni Tagapagsalita Lin Jian ng Ministring Panlabas ng Tsina (MOFA), na ang pagsang-ayon ng Pilipinas sa paglalagay ng mid-range missile system sa bansa ay maling desisyon.

Aniya, ang aksyong ito ay nagpapalala ng tensyon at salungatan sa rehiyon, at nag-u-udyok ng heograpikal na komprontasyon at paligsahan sa armas.

Hinimok ni Lin ang mga may kinalamang bansa na iwasto ang maling aksyon at i-urong ang missile system sa lalong madaling panahon, alinsunod sa pangako.

Salin: Ernest

Pulido: Rhio