Tuntunin sa pagpapabilis ng transisyon sa berdeng pag-unlad ng kabuhaya’t lipunan, inilabas ng Tsina

Inilabas kamakailan ng Komite Sentral ng Partido Komunista ng Tsina (CPC) at Konseho ng Estado ng bansa ang serye ng mga tuntunin, upang pabilisin ang transisyon sa berdeng pag-unlad ng kabuhaya’t lipunan sa lahat ng aspekto.

Ayon dito, matatamo ng bansa ang kapansin-pansing resulta sa transisyon sa berdeng pag-unlad ng kabuhaya’t lipunan sa lahat ng aspekto hanggang 2030.

Sa 2035 naman, mabubuo sa kabuuan ang isang berde, mababang karbong sistemang ekonomiko na may sirkular na pag-unlad, at maisasakatuparan din sa kabuuan ang target ng kaaya-ayang Tsina, anito pa.

Kalakip din ng nasabing mga tuntunin ang ilang mga gawain, at ipinagdiinan ang transisyon sa berdeng pamamaraan ng konsumo.

Ayon sa Pambansang Komisyon sa Pag-unlad at Reporma ng Tsina, ang mga tuntunin ay magiging makabuluhan para sa pagpapasulong ng transisyon sa modelo ng berdeng pag-unlad, komprehensibo nitong mapapabilis ang pagtatatag ng kaaya-ayang Tsina, at maisasakatuparan ang de-kalidad na pag-unlad.

Ayon pa sa mga tuntunin, ilulunsad ng bansa ang mga polisyang piskal at pambuwis na makakatulong sa berde’t mababang karbong pag-unlad at mabisang paggamit ng mga yaman.

Salin: Vera

Pulido: Rhio