Wang Yi, nakipagtagpo sa delegasyon ng Japan-China Friendship Parliamentarians' Union

Sa pulong, Agosto 28, 2024 sa Beijing ni Wang Yi, Direktor ng Tanggapan ng Komisyon ng Ugnayang Panlabas ng Partido Komunista ng Tsina (CPC), sa delegasyon ng Japan-China Friendship Parliamentarians' Union na pinamumunuan ng tagapangulo ng unyong ito na si Toshihiro Nikai, inihayag niya ang pag-asang itatayo ng Hapon ang wastong layunin at tamang pag-unawa sa Tsina, isusulong ang mga positibo at makatuwirang patakaran sa Tsina, at ipapatupad ang komprehensibong pagtataguyod ng estratehiko at kapuwa kapaki-pakinabang na relasyon.

Handa aniyang makipagtulungan ang Tsina sa Hapon upang isulong ang malusog at matatag na relasyong Sino-Hapones.

Ipinangako naman ni Nikai at mga kinatawan ng mga partidong pulitikal ng Hapon ang patuloy na pagpapatatag at pagpapabuti ng relasyong Hapones-Sino, pagpapasulong ng pagpapalitang tao-sa-tao at panglehislatura, pagpapahusay ng hene-henerasyong pagkakaibigan at pagkakaunawaan, at pagtataguyod ng komong pag-unlad ng Hapon at Tsina.

Salin: Belinda

Pulido: Rhio