Magkasamang ehersisyong pandagat ng mga hukbong Tsino’t Singaporiano, isinagawa sa Guangdong

Ginanap, Setyembre 1, 2024, sa isang pantalang militar sa Zhanjiang, lalawigang Guangdong, gawing timog ng Tsina ang seremonya ng pagbubukas ng ika-3 nang magkasanib na pagsasanay militar sa dagat ng Tsina at Singapore, na may code name na “China-Singapore Cooperation-2024.”

Tatagal ito hanggang Setyembre 5, 2024.

Nitong ilang taong nakalipas, maraming beses nang nagpadala ng mga barko sa isa’t isa ang mga hukbong pandagat ng Tsina at Singapore para bumisita at magsagawa ng magkasanib na pagsasanay.

Kabilang dito, dalawang beses nang lumahok ang Peoples Liberation Army Navy (PLAN) sa ensayong “China-Singapore Cooperation” sa Singapore.

Salin: Qiu Siyi

Pulido: Rhio