Shenzhou-19 crew para sa misyon ng space station, inilabas

Ipinahayag Oktubre 29, 2024, ng China Manned Space Agency na ang tatlong taikonauts na sina Cai Xuzhe, Song Lingdong at Wang Haoze, ay magsasagawa ng Shenzhou-19 crewed spaceflight mission, at si Cai ang magiging komander nito.

Ayon kay Lin Xiqiang, tagapagsalita ng nasabing ahensya, nakatakdang ilunsad 4:27 a.m., Miyerkules (Beijing Time) ang Shenzhou-19 crewed spaceship mula sa Jiuquan Satellite Launch Center sa hilagang-kanluran ng Tsina.