Pabrika ng Denmark sa Batangas, pinasinayaan
IKINALUGOD ni European Union Ambassador Guy Ledoux ang pagpapasinaya sa isang pabrika na bunga ng matatag at lumalagong economic relationship sa pag-itan ng mga bansa sa Europa at Pilipinas.
Sa kanyang talumpati, sinabi ni Ambassador Ledoux, na ang pagkakaroon ng mas maraming hanapbuhay ay pinagtuunan ng mga mamamahayag sa nakalipas na ilang linggo.
Sa pagkakaroon ng pabrika sa Batangas, nagkaroon ng hanapbuhay ang may 130 katao. Madaragdagan ito ng may 800 trabaho bago matapos ang 2014. Ang mga ito ay direct jobs na magbubunga ng karagdagang hanapbuhay tulad ng mga maglalaan ng pagkain para sa mga manggagwa at maintenance contract sa pabrika.
Ani Ambassador Ledoux, ang European Union ang pinakamalaking investor sa Pilipinas na mayroong stick na 7.6 billion Euros. Mas mahalaga umano ang salaping ito kaysa sa salaping ipinapasok sa stock exchange na mataling naipapasok at madaling nailalabas.
State of the art factory ang itinayo sa Batangas. Ito ay ang Sonion na nasa loob ng Philippine Export Zone Authority. Mayroon nang 289 na kumpanyang mula sa European Union ang naglagak ng salapi sa mga PEZA zones na sangkot sa food products, textiles, mga kemikal, precision at optical instruments at iba pa.
Ipinaliwanag ni Ambassador Ledoux kung bakit sa PEZA naglalagak ng capital ang mga mangangalakal ng European Union. Isang dahilan umano ay maraming sa mga red tape na nagpapabalam sa kalakal ang naaalis. Mabuting halimbawa ang ipinagkakaloob ng PEZA sa mga gustong magkalakal sa Pilipinas.
Bagama't inilalathala ng marami na problemado ang European Union sa larangan ng pananalapi at hindi na kasing tatag noong mga nakalipas na panahon, ang naganap sa Gresya ay 3% lamang ng buong ekonomiya ng European Union.
1 2 3 4 5
