Isang libro hinggil sa pangangasiwa ni Pangulong Xi Jinping ng Tsina ang pinasinayaan kahapon sa Frankfurt book fair.
Mababasa sa libro ang 79 na talumpati at pananalita ni Pangulong Xi mula noong ika-15 ng Nobyembre, 2012 hanggang ika-13 ng Hunyo, 2014. Nahahati ito sa 18 seksyon.
Inilimbag ito sa wikang Tsino, wikang Ingles, wikang Pranses, wikang Ruso, wikang Arabiko, wikang Espanyol, wikang Portuges, wikang Aleman at wikang Hapones.
Sa pasinaya, sinabi ni Mingzhao, Direktor ng State Council Information Office ng Tsina, na sapul nang idaos ang Ika-18 Pambansang Kongreso ng Partido Komunista ng Tsina (CPC) noong Nobyembre, 2012, nagpakita na ang komunidad ng daigdig ng interes sa direksyon ng pag-unlad ng Tsina at impluwensiya nito sa daigdig. Tinukoy niyang ang libro na ito na naglalaman ng kaisipan at praktis ni Xi at liderato ng Tsina ay sumagot sa interes ng komunidad ng daigdig. Nagbukas aniya ito ng pinto sa mga dayuhan para obserbahan at maunawaan nila ang hinggil sa Tsina.
Sinabi naman ni Gerhard Schroeder, dating Chancellor ng Alemanya na nakakatulong ang libro sa pagkakaunawa ng pulitika at reporma ng Tsina sa pamumuno ni Xi.
Sinabi ni Robert Lawrence Kuhn, Tagapangulo ng U.S. Kuhn Foundation, na sumasalamin ang libro ng kaisipan ni Xi bilang isang taong makabayan na ipinagmamalaki ang kanyang bansa.
Kalakip din sa libro ang 45 litrato ni Xi sa iba't ibang yugto ng buhay niya.
Mahigit 400 panauhin mula sa Tsina at Alemanya ang lumahok sa pasinaya.
Salin: Jade
