![]( /mmsource/images/2017/01/17/169c97b3615d4aae8982c092990fb8e0.jpg)
Nag-usap kahapon, Lunes, ika-16 ng Enero 2017, sa Bern, Switzerland, sina Pangulong Xi Jinping ng Tsina at Pangulong Doris Leuthard ng Switzerland.
Binigyan ng dalawang pangulo ng positibong pagtasa ang relasyong Sino-Swiss. Sinang-ayunan nilang itaguyod ang ideya ng pagbubukas at pagiging inklusibo, igiit ang kooperasyong may win-win situation, at palalimin ang pagtutulungan sa iba't ibang aspekto, para isakatuparan ang ibayo pang pag-unlad ng relasyon ng dalawang bansa.
Sinang-ayunan ng dalawang pangulo, na palakasin ang pag-uugnayan ng "Made in China 2025" at Industry 4.0 strategies ng Switzerland, at pasulungin ang kooperasyon sa ilalim ng "Belt and Road" Initiative.
![]( /mmsource/images/2017/01/17/06bc34015afd426b8a7f32ae7b668012.jpg)
Ipinahayag din nila ang pagtutol sa trade protectionism, at binigyang-diin ang pangangalaga sa bukas at inklusibong sistemang pangkalakalan ng daigdig.
Pagkaraan ng pag-uusap, sinaksihan din nina Xi at Leuthard ang paglalagda sa mga dokumentong pangkooperasyon ng Tsina at Switzerland.
Salin: Liu Kai