NANAWAGAN si Buhay Party List Congressman Jose L. Atienza, Jr. na nararapat managot si dating Health Secretary Janette Garin sa pagkakaroon ng kontrobersyal na bakunang binili sa halagang P 3.5 bilyon mula sa Sanofi-Pasteur.
DATING SECRETARY GARIN DAPAT MAPIIT. Ito ang panawagan ni party List Congressman Jose L. Atienza, Jr. sa idinaos na Tapatan sa Aristocrat kanina. Hindi umano nararapat pabayaan ang kalagayan ng may 700,000 kabataang nabakunahan ng Dengvaxia.
Sa idinaos na Tapatan sa Aristocrat, sinabi ni Congressman Atienza na noon pa man ay ipinagtatanong na nila ang kasunduang pinasok ng pamahalaan ng Pilipinas at ng banyagang kumpanya na Nagbibili ng bakunang Dengvaxia.
KADUDA-DUDA ANG TRANSAKSYON> Sinabi ni Dr. Anthony Leachon, isang health advocate na nagdududa siya sa kasunduang pinasok ng pamahalaan at Sanofi hinggil sa bakung nagkakahalaga ng P 3.5 bilyon.
Ipinagtatanong din ni Dr. Antonio Leachon, isang independent director ng Philhealth kung anong mekanismo ang ginamit ng Food and Drug Administration sa pagpapasa ng bakunang hindi pa nakapapasa at hindi pa natatanggap ng iba't ibang bansa.
HINDI LAMANG DENGUE ANG KAILANGAN NG BAKUNA. Sinabi ni Dr. Minerva Calimag na mas maraming nakamamatay na karamdamang dapat daluhan kaysa dengue. Isang dating pangulo ng Philippine Medical Association, sinabi ni Dr. Calimag na ibayong pagsusuri ang kailangan at mabantayan din ang mga båtäng nabakunahan upang maiwasan ang komplikasyon.
Sa panig naman ni Dr. Minerva Calimag, dating pangulo ng Philippine Medical Association, marapat lamang na matiyak na ang mga bakunang gagamitin sa Pilipinas ay matagal nang nasuri at nasubukan.
Iginiit ni Congressman Atienza na hindi makalulusot ang insidenteng kinasasangkutan ng higit sa 700,000 mga bata na nanganganib ang buhay. Salapi umano ng bayan ang ginamit sa pagbili ng bakuna. Ipatatawag ng Kongreso si dating Secretary Garin sa isang imbestigasyon.
