|
||||||||
|
||
Ipinahayag Miyerkules, Disyembre 5, 2018, ni Ma Zhaoxu, Pirmihang Kinatawang Tsino sa United Nations (UN), na ang karalitaan at kakulangan sa kaunlaran ay mahalagang pinag-uugatan ng sagupaan. Dapat aniyang komprehensibong pasulungin ng komunidad ng daigdig ang "Agenda ng Sustenableng Pag-unlad sa Taong 2030," at paunlarin ang partnership sa buong daigdig para mapasulong ang sustenableng kapayapaan sa pamamagitan ng sustenableng kaunlaran.
Winika ito ni Ma sa kanyang talumpati sa debatehang idinaos ng UN Security Council na may temang "Pagtatayo ng Kapayapaan at Sustenableng Pag-unlad: Rekonstruksyon, Kapayapaan, Kaligtasan, at Katatagan Pagkatapos ng Sagupaan."
Kaugnay ng rekonstruksyon pagkatapos ng sagupaan, ipinahayag ni Ma na dapat tupdin ang layunin at prinsipyo ng "UN Charter," at pundamental na norma ng pandaigdigang batas.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |