Nitong ilang araw na nakalipas, sa kabila ng matinding pagtutol ng panig Tsino, isinabatas ng panig Amerikano ang "Hong Kong Human Rights and Democracy Act of 2019." Sinisira ng aksyong ito ng Amerika ang kasaganaan at katatagan ng Hong Kong, at nakakapinsala sa sariling kapakanan ng panig Amerikano at kapakanan ng komunidad ng daigdig. Sa harap ng matatag na determinasyon ng pamahalaan at mga mamamayang Tsino sa pagtatanggol sa kapakanan ng soberanya, seguridad, at kaunlaran ng estado, hinding hindi magtatagumpay ang masamang tangka ng panig Amerikano na manggulo sa Hong Kong at pigilan ang pag-unlad ng Tsina.
Sapul nang umakyat sa poder ang kasalukuyang pamahalaang Amerikano, iginigiit ng ilang politikong Amerikano na kontra-Tsina ang "Cold War Mentality" at hegemonya, at pinag-iibayo nila ang pagpigil sa Tsina. Ngunit, talagang minamaliit ng panig Amerikano ang buong tatag na determinasyon ng mga mamamayang Tsino sa pangangalaga sa kasaganaan at katatagan ng Hong Kong, at minamaliit din nito ang kakayahan at pamamaraan ng mga mamamayang Tsino sa pangangalaga sa kapakanan ng soberanya, seguridad, at kaunlaran ng estado.
Bilang tugon sa walang galang na aksyon ng panig Amerikano, inilabas na ng panig Tsino ang mga anti-measures, at isasagawa pa nito ang ibayo pang kinakailangang hakbang batay sa galaw ng kalagayan. Pinapayuhan din ng panig Tsino ang ilang politikong Amerikano na agarang itigil ang mga political tricks, at itakwil ang pagtatangka nitong gamitin ang isyu ng Hong Kong para pigilan ang pag-unlad ng Tsina.
Salin: Li Feng
