Magkakasunod na ipinalabas kamakailan sa social media ni Martin, Jacques, bantog na iskolar ng Britanya, ang mga artikulong hayagang kumakastigo sa ilang bansang kanluranin dahil sa paghadlang nila sa National Security Law ng Hong Kong Special Administrative Region (HKSAR).
Sinabi niya na, hinggil sa mga suliranin ng Hong Kong, mayroonbang ibang pagpipilian ang Tsina kundi ang lehislasyon ng pambansang seguridad?
Tanong pa niya, aling bansang kanluranin ang nagpapahintulot na magkaroon ng ilang buwang marahas na kilos-protesta sa kanilang pangunahing lunsod?
Sa katotohanan, isinasagawa ng mga bansang kanluranin ang katulad na paraan na ginagawa ng Tsina bilang tugon sa mga marahas na aksyon sa kani-kanilang mga nasasakupan, aniya pa.
Sinabi ni Jacques na, dapat isabalikat ng mga bansang kanluranin ang responsibilidad sa mga nangyaring marahas na kilos-protesta, dahil sila ang isa sa mga sumuporta sa mga pangunahing elementong nagsagawa ng mga karahasan.
Dagdag pa niya, hindi rin nais ng mga bansang kanluranin ang mga marahas na kilos na nakakasira sa seguridad sa kanilang mga nasasakupan, ngunit sila ay bulag at bingi sa mga tunay na kaganapan sa Hong Kong.
Salin: Lito
