Pinuna kamakailan sa social media ni Mike Pompeo, Kalihim ng Estado ng Amerika, ang Tsina na umano'y ang pag-unlad ng kabuhayang Tsino ay sa kapinsalaan ng kapaligiran.
Kaugnay nito, ipinahayag ni Tagapagsalitang Zhao Lijian ng Ministring Panlabas ng Tsina, na dapat muna suriin ni Pompeo ang mga nagawa ng kanyang sariling bansa.
Bilang malaking bansa sa emisyon ng greenhouse gas sa buong daigdig, ipinatalastas noong Hunyo, 2017 ng Amerika ang pagtitigil ng pagsasakatuparan ng "Paris Agreement," bagay na grabeng humadlang sa kaukulang proseso ng pagbabawas sa emisyon at pagpapasulong sa berde't low-carbon na pag-unlad ng daigdig.
Bukod dito, bilang pinakamalaking bansang nagluluwas ng solid waste sa daigdig, inililipat ng Amerika ang napakaraming basura sa mga umuunlad na bansa, bagay na nagdudulot ng napakalaking pinsala sa kapaligirang padaigdig.
Ang "berdeng pag-unlad" ay nananatiling isang masusing konsept ng Tsina sa pagsasakatuparan ng de-kalidad na pag-unlad ng kabuhayan. Nitong ilang taong nakalipas, bumaba nang bumaba ang bolyum ng pagbuga ng pangunahing kontaminente sa Tsina, at malinaw na bumubuti ang kapaligirang ekolohikal.
Sa daigdig, mataimtim na ipinapatupad ng Tsina ang United Nations Framework Convention on Climate Change (UNFCCC), Paris Agreement, Basel Convention, at iba pa, bagay na nakakapagbigay ng positibong ambag para sa pagsasaayos ng kapaligirang pandaigdig.
Sa katotohanan, bukod sa pangangalaga sa kapaligiran, sapul nang umakyat sa puwesto ang kasalukuyang pamahalaang Amerikano, isinasagawa nito ang paglinlang na "gamitin kung angkop sa sarili, at ibasura kung di-angkop sa sarili" sa halos lahat ng mahalagang kasunduang pandaigdig. Bunsod ng mga bastos at walang-galang na kilos nilang tumatalikod sa tiwala at kredit, walang tigil na tumatahak ang ilang politikong Amerikano sa landas ng kawalang suporta.
Salin: Lito
