Kaugnay ng paninirang-puri ng mga politikong Amerikano sa Tsina at pagkalap ng suporta para sa "Clean Network," ipinahayag nitong Lunes, Setyembre 7, 2020 ni Tagapagsalita Zhao Lijian ng Ministring Panlabas ng Tsina na ito ay isa pang halimbawa ng pagsasagawa ng iilang politikong Amerikano ng diplomasyang "We lied. We cheated. We stole."
Nitong Sabado, nag-retweet ang Kagawaran ng Estado ng Estados Unidos ng pahayag nina Secretary Pompeo at Undersecretary Krach na nagsabing dapat magbuklud-buklod ang buong mundo batay sa isang nukleong komong palagay, alalaong baga'y tatanggihan ng Partido Komunista ng Tsina (CPC) ang kompetisyon sa pamamagitan ng makatarungan, pantay-pantay at maliwanag na paraan. Nanawagan sila sa lahat ng mga bansa at kompanyang nagmamahal sa kalayaan na sumapi sa "Clean Network."
Hinggil dito, tinukoy ni Zhao na sinisira at nais tuluyang alisin ng iilang politikong Amerikano sa diwa ng malayang pamilihan, walang-kinakampihang kompetisyon at pangangasiwa alinsunod ng batas na laging ipinakakalat ng Amerika. Dapat buong tatag na tutulan aniya ng komunidad ng daigdig ang ganitong kilos ng Amerika.
Salin: Vera