Sabado, Oktubre 10, 2020, nagpadala ng mensahe si Pangulong Xi Jinping ng Tsina kay Pangulong Jioji Konusi Konrote ng Republika ng Fiji Islands, bilang pagbati sa ika-50 anibersaryo ng pagsasarili ng Fiji.
Tinukoy ni Xi na nitong nakalipas na 50 taon, aktibong hinanap ng Fiji Islands ang landas ng pag-unlad na angkop sa kalagayan ng sariling bansa, at isinakatuparan ang tuluy-tuloy na pag-unlad ng kabuhaya't lipunan.
Aniya, bilang kaibigan at partner, napapanatili ng Tsina at Fiji Islands ang pagtitiwalaang pulitikal sa mataas na antas, at kapansin-pansin ang natamong bunga ng pagpapalitan at pagtutulungan ng kapuwa panig sa iba't ibang larangan.
Saad ni Xi, lubos niyang pinahahalagahan ang pag-unlad ng relasyon ng Tsina at Fiji. Nakahanda siyang magsikap, kasama ni Pangulong Konrote, upang mapalakas ang diyalogo, pagpapalitan at pagtutulungan ng dalawang bansa sa iba't ibang larangan, mapasulong ang pagtamo ng komprehensibo't estratehikong partnership ng kapuwa panig ng bagong progreso, at maghatid ng mas maraming benepisyo sa dalawang bansa at kani-kanilang mga mamamayan.
Salin: Vera