Malacanang, nanawagan sa mga Pilipinong makiisa sa National Day of Prayer
INANYAYAHAN ng Malacanang ang mga mamamayang samahan si Pangulong Benigno Simeon C. Aquino III sa kanyang pamumuno sa bansa sa National Day of Prayer and Solidarity upang alalahanin ang mga nasawi sa mga nakalipas na trahedya noong 2013 at magpasalamat sa Diyos para sa katatagan ng bansa at mga mamamayan.
Hihilingin din niya ang paggabay ng Panginoon sa bansa upang maisaayos ang mga napinsalang mga pook at kabuhayan.
Ginawa ni Communications Secretary Herminio Coloma ang paanyaya sa isang press briefing sa Malacanang kanina.
Ayon kay G. Coloma, may temang "One Nation in Prayer" ang lalahukan ng mga mamamayan sa pamamagitan ng pagdarasal sa kanilang mga tahanan, komunidad, pook ng hanapbuhay at mga simbahan sa darating na Lunes, ika-20 ng Enero. Pinasalamatan din niya ang mga bumubuo ng Kapisanan ng mga Brodkaster ng Pilipinas.
Kabilang sa mga inaasahang dadala ang mga kinatawan ng mga nasa Zamboanga, mga biktima ng lindol, mga biktima ni "Yolanda" at makakasama sina Manila Archbishop Luis Antonio G. Cardinal Tagle, Police Supt. Imam Ebra Moxsir ng Imam Council of the Philippines, Commissioner Zenaida Pawid ng National Commission on Indigenous Peoples, Isias Samson ng Iglesia ni Cristo at kinatawan ng Philippine Council of Evangelical Churches.
Inanyayahan din ang mga kinatawan ng Kongreso, mga opisyal ng pamahalaan at mga nasa civil society groups.
1 2 3 4
