Panukalang pagbabago sa Saligang Batas, pinag-usapan na
SINIMULANG talakayin kahapon sa House Committee on Constitutional Reforms sa ilalim ni Congresswoman Mylene J. Garcia-Albano ang resolusyong akda ni Speaker Feliciano Q. Belmonte na nagmumungkahing buksan ang Saligang Batas upang masusugan ang ilang probisyong may kinalaman sa ekonomiya.
Ayon sa pahayag ng Mababang Kapulungan, sinabi ni dating Commissioner of the Preparatory Commission on Constitutional Reforms at Chairman ng Think-Tank, Inc., Margarito Teves na kailangang susugan ang mga probisyon sa ekonomiya ng Saligang Batas.
Kailangang magkaroon ng flexibility sa constitutional economic principles upang maging malawak ang benepisyo ng mga mamamayan sa anumang kaunlarang makakamtan.
Nais ng panukala ni Speaker Belmonte na dagdagagn ng "unless otherwise provided by law" ang ilang economic provisions ng 1987 Constitution. Ang proseso ay mangangailangan ng ¾ na boto ng Senate at House of Representatives na boboto ng hiwalay sa mga panukalang pagsusog. Mangangailangan iyo ng pag-sangayon ng mga mamamayan sa isang pambansang plebesito.
Suportado ni Pangulong Lacson ng Employers Confederation of the Philippines ang pagsusog sa aniya'y "restrictive economic provisions" sa pamamagitan ng Constitutional Convention at hindi sa pamamagitan ng constituent assembly, tulad ng hinihiling ng mga mambabatas na maglalagay ng mga katagang "unless provided otherwise by law."
Kung igigiit nila ang constituent assembly, lalabas na karaniwang batas lamang ang kanilang susugan at hindi ang saligang batas.
Ani G. Lacson, nararapat lamang kilalanin ng mga mambabatas ang ethical principle na nagsasabing "the end does not justify the means."
1 2 3 4
