Senador Enrile, dumulog sa Korte Suprema upang pigilin ang paglilitis ng Sandiganbayan sa "pork barrel"
HINILING din ni Senador Juan Ponce Enrile sa Korte Suprema na pigilan ang Sandiganabayan na litisin ang usaping plunder laban sa kanya sa diumano'y pagkakasangkot niya sa P 10 bilyong pork barrel scam. Sumunod lamang siya kina Senador Jose "Jinggoy" Estrada at Ramon "Bong" Revilla, Jr.
Sinabi ni Atty. Theodore Te, pinuno ng Public Information Office ng Korte Suprema na ipinarating ni G. Enrile ang petition for certiorari na may bilang na GR No. 213455.
Sa kanyang petisyon, hiniling ni Senador Enrile na maglabas ng temporary restraining order sa mga taga-Sandiganbayan sa pagdaraos ng pre-trial at proceedings sa Criminal Case No. SB-14-CRM-0238. Humiling din siya na magkaroon ng oral arguments sa kanyang usapin.
Nakarating ang petisyon sa pamamagitan ng kanyang abogadong si Estelito Mendoza at ng kanyang bupete o law office, ang Ponce Enrile Reyes and Manalastas Law Office. Nahaharap ang senador ng one count ng plunder at 15 kaso ng graft.
Sa hiwalay na information sheets mula sa Ombudsman, inakusanan si Enrile at ang kanyang dating chief of staff na si Atty. Gigi Reyes ng pagkakamal ng P 172.8 milyon sa pamamagitan ng kickbacks mula 2004 hanggang 2010 sa pamamagitan ng mga non-government organizations na konektado kay Janet Lim Napoles.
Respondents sa petisyon ni G. Enrile sina Sandiganbayan Presiding Justice Amparo Cabotaje-Tang, Associate Justices Samuel Martires at Alex Quiroz ng Third Dividion na may hawak ng plunder at graft charges.
Una ng nagpetisyon sina Senador Revilla noong Marso at Estrada noong Mayo na humiling ding pigilan ang paglilitis sa kanila.
1 2 3 4
