Philippine Red Cross, handang tumulong sa mga nagsilikas
HANDANG tumulong ang Philippine Red Cross sa mga pangangailangan ng lkumikas sa kanilang mga tahanan dulot ng patuloy na sagupaan sa pagitan ng Moro Islamic Liberation Front at Bangsamoro Islamic Freedom Fighters sa hangganan ng North Cotabato at Maguindanao.
Nagsimula ang mga sagupaan noong ikatlo ng Pebrero kaya't lumikas na ang may 20,000 mga mamamayan mula sa dalawang barangay ng Pagalungan at pitong barangay ng Pikit.
Ayon kay Philippine Red Cross chairman Richard Gordon, ang humanity, impartiality at neutrality ang kabilang sa pitong fundamental principles ng Red Cross. Wala silang pinapanigan sa mga sagupaan at tumutulong ng walang pagtatangi sa mga sugatang nasa gitna ng mga magkakalabang grupo. Layunin nlang mapagaan ang paghihirap ng mga mamamayan ng walang pagtatangi sa kanilang pagkatao, lahiu, relihiyon, katayuan sa lipunan at paniniwalang politikal.
Idinagdag naman ni Cotabato Red Cross Chapter administrator Ricardo Quintayo na iniipon na nila ang kanilang mga kagamitan sa pagtugon sa pangangailangan ng mga lumikas.
Samantala, nagsagawa na sila ng stress debriefing at iba pang welfare services sa mga naulila ng 44 na tauhan ng Special Action Force sa Mamasapano noong nakalipas na Enero.
May 28 mga tauhan at volunteers na nahati sa dalawang grupo ang ikinalat sa Campo Bagong Diwa at sa Camp Dangwa sa Benguet kahit pa napakahigpit ng seguridad sa tanggapan ng pulisya sa National Capital Region Police Office.
1 2 3 4 5 6
